جتني وقالت خذ بقايا هـداياك
وهـاك الـرسايل وأعتبرهـا نهايه
وخل ذكرياتي والصور دوم وياك
مابيك تنساني وتنـسى هوايه
وأستر على ماشفت مني وماجاك
وعساك تذكر ذكرياتك معايه
قلت أسمعي قالت عسى الله يرعاك
مـاعاد ينفع ياحبيبي كفايه
صاح الضمير وقال يالزين وش جاك
ودي أعرف اليوم شنهو خطايه
ودي أعرف اللي حصل لاعدمناك
شاللي حصل بالضبط شنهي الحكـايه
قالت ( خطبني ) شخص مثلك وشرواك
وأبوي ملكه له وحـطم منايه
قالت وهـي تبكـي ترى الكل يفداك
لكن ظروف الوقت زادت شقايه
غصب علي اليوم أوادعك وأجفاك
مجبوره ياقلـبي أفض الروايه
لاتعتقد في يوم أنا بقدر أنساك
أنت الوحيد اللي لهالـقلب غايه
والقلب صابه وقتها ألف دكاك
والهـم أعلن في حياتي البدايه
الرئيسية 
